ਟੁੱਟੀ ਹੋਈ ਬਾਂਹ ਦੇ ਠੀਕ ਹੋਣ ਤੋਂ ਤੁਰੰਤ ਬਾਅਦ, ਹਰਕੀਰਤ ਨੇ ਆਪਣੀ ਖੇਡ ‘ਤੇ ਹੋਰ ਵੀ ਜਿਆਦਾ ਧਿਆਨ ਦੇਣਾ ਸ਼ੁਰੂ ਕਰ ਦਿੱਤਾ ਅਤੇ ਜਲਦੀ ਹੀ ਇੱਕ ਰਾਜ ਪੱਧਰੀ ਕੋਚ ਨੇ ਇਨ੍ਹਾਂ ਦੀ ਮਹਾਰਤ ਨੂੰ ਪਛਾਣ ਲਿਆ। ਉਸ ਨੇ ਅੱਗੇ ਦੱਸਿਆ ਕਿ,”ਜਦੋਂ ਮੈਨੂੰ ਅੰਡਰ-15 ਟੀਮ ਲਈ ਚੁਣਿਆ ਗਿਆ ਤਾਂ ਮੈਂ ਬਹੁਤ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।”

ਹਾਲਾਂਕਿ, ਉਸਨੇ ਕਿਹਾ ਕਿ ਜਦੋਂ ਉਹ 2020 ਵਿੱਚ ਅੰਡਰ -16 ਟੀਮ ਵਿੱਚ ਖੇਡਣ ਵਾਲਾ ਸੀ ਤਾਂ ਵਿਸ਼ਵਵਿਆਪੀ ਕੋਵਿਡ -19 ਮਹਾਂਮਾਰੀ ਆਉਣ ਦੇ ਨਾਲ ਬਹੁਤ ਸਾਰੇ ਹੋਰਨਾਂ ਖਿਡਾਰੀਆਂ ਵਾਂਗ ਇਸ ਨੂੰ ਵੀ ਆਪਣੀ ਖੇਡ ਤੋਂ ਦੂਰ ਹੋਣਾ ਪਿਆ।

ਉਸ ਨੇ ਅੱਗੇ ਦੱਸਿਆ ਕਿ ਪੰਜਾਬੀ ਨੌਜਵਾਨ ਹੋਣ ਦੇ ਨਾਤੇ ਮੈਨੂੰ ਮੱਖਣ ਅਤੇ ਰੋਟੀ ਬਹੁਤ ਪਸੰਦ ਹਨ। “ਮੇਰੇ ਮਾਤਾ-ਪਿਤਾ ਨੇ ਨਾ ਸਿਰਫ ਮੇਰੀ ਖੇਡ ‘ਤੇ ਹੀ ਧਿਆਨ ਦਿੱਤਾ, ਸਗੋਂ ਉਨ੍ਹਾਂ ਨੇ ਮੇਰੀ ਖੁਰਾਕ ਦਾ ਵੀ ਖਾਸ ਖਿਆਲ ਰੱਖਿਆ,” ਉਸਨੇ ਕਿਹਾ। ਆਪਣੀ ਪੜ੍ਹਾਈ ਦੇ ਨਾਲ ਕ੍ਰਿਕਟ ਲਈ ਆਪਣੇ ਪਿਆਰ ਨੂੰ ਸੰਤੁਲਿਤ ਕਰਦੇ ਹੋਏ, ਹਰਕੀਰਤ ਨੇ ਮੈਲਬੌਰਨ ਦੇ ਇੱਕ ਚੋਣਵੇਂ ਸਕੂਲ ਵਿੱਚ ਪੜ੍ਹਾਈ ਕੀਤੀ।