Welcome to Perth Samachar

PERTH WEATHER
Advertise

ਚੋਰੀ ਦੀਆਂ ਵਾਰਦਾਤਾਂ ਰੋਕਣ ਲਈ ਆਸਟ੍ਰੇਲੀਆ ਦੇ ਗਰੌਸਰੀ ਸਟੋਰਾਂ ਦੇ ਅਪਣਾਈ ਇਹ ਤਰਕੀਬ

ਸੈਲਫ ਸਰਵ ‘ਤੇ ਵੱਧ ਰਹੀਆਂ ਗਰੌਸਰੀ ਦੀਆਂ ਚੋਰੀਆਂ ਰੋਕਣ ਲਈ ਕੋਲਸ ਅਤੇ ਵੂਲੀਜ਼ ਵਰਗੇ ਪ੍ਰਮੁੱਖ ਸੁਪਰਮਾਰਕਿਟ ਸਟੋਰ ਸਕੈਨ ਅੱਸੀਸਟ, ਟਰੌਲੀ ਲੌਕ ਅਤੇ ਸਮਾਰਟ ਗੇਟ ਜਿਹੇ ਸੁਰੱਖਿਆ ਉਪਾਅ ਲਾਗੂ ਕਰ ਰਹੇ ਹਨ। ਕੋਲਸ ਨੇ ਹਾਲ ਹੀ ਵਿੱਚ ਆਪਣੇ ਸਾਲਾਨਾ ਮੁਨਾਫੇ ਵਿੱਚ ਰਿਕਾਰਡ ਵਿਕਰੀ ਦੇ ਨਾਲ ਨਾਲ ਸ਼ੋਪਲਿਫਟਿੰਗ ਵਿੱਚ ਵੀ ਰਿਕਾਰਡ ਵਾਧੇ ਦਾ ਐਲਾਨ ਕੀਤਾ ਹੈ।

ਮਹਿੰਗਾਈ ਦੀ ਵੱਧ ਦੀ ਮਾਰ ਨੇ ਜਿੱਥੇ ਲੋਕਾਂ ਨੂੰ ਇਹ ਨਿੱਕੀਆਂ ਨਿੱਕੀਆਂ ਚੋਰੀਆਂ ਕਰਨ ਤੇ ਮਜਬੂਰ ਕੀਤਾ ਹੈ ਉੱਥੇ ਸੁਪਰਮਾਰਕਿਟਾਂ ਵਲੋਂ ਲੋਕਾਂ ਤੇ ਨਿਗ੍ਹਾ ਰੱਖਣ ਲਈ ਤੇ ਇਨ੍ਹਾਂ ਚੋਰੀਆਂ ਦੀ ਰੋਕਥਾਮ ਲਈ ਵਿਸ਼ੇਸ਼ ਉਪਰਾਲੇ ਕੀਤੇ ਜਾ ਰਹੇ ਹਨ। ਜਦੋਂ ਸੈਂਸਰਾਂ ਨੂੰ ਸ਼ੱਕ ਹੁੰਦਾ ਹੈ ਕਿ ਟਰਾਲੀ ਦੇ ਲੋਡ ਅਨੁਸਾਰ ਭੁਗਤਾਨ ਨਹੀਂ ਕੀਤਾ ਗਿਆ ਹੈ ਜਾਂ ਕੋਈ ਭੁਗਤਾਨ ਕੀਤੇ ਬਿਨਾਂ ਸਟੋਰ ਛੱਡ ਰਿਹਾ ਹੈ ਤਾਂ ਇਹ ਨਵੀਂ ਤਕਨੀਕ ਟਰਾਲੀ ਦੇ ਪਹੀਆਂ ਨੂੰ ਲਾਕ ਕਰ ਦਿੰਦੀ ਹੈ।

ਕੋਲਸ ਦੀ ਨਵੀਂ ਮੁਖੀ ਲੀਹ ਵੇਕਰਟ ਦਾ ਕਹਿਣਾ ਹੈ ਕਿ ਜ਼ਿਆਦਾਤਰ ਖਰੀਦਦਾਰ ਇਮਾਨਦਾਰ ਹੁੰਦੇ ਹਨ, ਪਰ ਰਹਿਣ-ਸਹਿਣ ਦੇ ਦਬਾਅ ਨੇ ਮੌਕਾਪ੍ਰਸਤ ਚੋਰੀਆਂ ‘ਚ ਦੁਨੀਆਂ ਭਰ ‘ਚ ਵਾਧਾ ਕੀਤਾ ਹੈ। ਇੰਨ੍ਹਾ ਚੋਰੀਆਂ ਨੂੰ ਨਜਿੱਠਣ ਦੀ ਕੋਸ਼ਿਸ਼ ਵਿੱਚ ਹੁਣ ਪ੍ਰਮੁੱਖ ਸੁਪਰਮਾਰਕਿਟਾਂ ਟਰਾਲੀ ਲਾਕ ਅਤੇ ਸਮਾਰਟ ਗੇਟਾਂ ਵਰਗੀਆਂ ਪਹਿਲਕਦਮੀਆਂ ਦੀ ਸ਼ੁਰੂਆਤ ਦੇ ਨਾਲ ਨਾਲ ਸਾਦੇ ਕੱਪੜਿਆਂ ਵਿੱਚ ‘ਲੌਸ ਪ੍ਰੀਵੈਂਸ਼ਨ ਔਫੀਸਰਸ’ ਦੀ ਨਿਯੁਕਤੀ ਵੀ ਕਰ ਰਹੀਆਂ ਹਨ।

Share this news

Navigation

Categories

Contact Us