ਵੱਡੀ ਰਾਹਤ: ਸੈਂਕੜੇ ਆਸਟ੍ਰੇਲੀਆਈ ਨਾਗਰਿਕਾਂ ਸਮੇਤ ਹਵਾਈ ਜਹਾਜਾਂ ਨੇ ਭਰੀ ਤੇਲ ਤੋਂ ਉਡਾਣ

ਇਸਰਾਇਲ ਵਿਚ ਵੱਧ ਰਹੇ ਤਣਾਅ ਦੇ ਚਲਦਿਆਂ ਆਸਟ੍ਰੇਲੀਆਈ ਨਾਗਰਿਕਾਂ ਸਮੇਤ ਤਿੰਨ ਪ੍ਰਵਾਸੀ ਉਡਾਣਾਂ ਰਾਤੋ ਰਾਤ ਤੇਲ ਅਵੀਵ ਹਵਾਈ ਅੱਡੇ ਤੋਂ ਰਵਾਨਾ ਹੋਈਆਂ। ਇੱਕ ਵੀਡੀਓ ਸਾਹਮਣੇ ਆਈ ਹੈ ਜਿਸ ਵਿੱਚ ਮੁਸਾਫਰਾਂ ਦਾ ਇੱਕ ਸਮੂਹ ਰਾਹਤ ਮਹਿਸੂਸ ਕਰਦਾ ਦਿਖਾਈ ਦਿੱਤਾ, ਜਦੋਂ ਉਹ ਇਜ਼ਰਾਈਲ ਤੋਂ ਫਲਾਈਟ ਵਿੱਚ ਸਵਾਰ ਹੋਏ ਤਾਂ ਉਹ ਖੁਸ਼ੀ ਵਿਚ ਨਾਅਰੇ ਲਗਾ ਰਹੇ ਸਨ।

ਵਿਦੇਸ਼ ਮੰਤਰੀ ਪੈਨੀ ਵੋਂਗ ਨੇ ਅੱਜ ਦੱਸਿਆ ਕਿ ਜਹਾਜ਼ ਵਿੱਚ 250 ਤੋਂ ਵੱਧ ਆਸਟ੍ਰੇਲੀਅਨ ਸਵਾਰ ਸਨ। ਵੋਂਗ ਨੇ ਕਿਹਾ ਕਿ ਬਹੁਤ ਸਾਰੇ ਅਜਿਹੇ ਲੋਕ ਸਨ, ਜਿਹਨਾਂ ਨੇ ਜਾਣ ਲਈ ਰਜਿਸਟਰ ਕੀਤਾ ਸੀ ਪਰ ਉਹ ਪਹੁੰਚੇ ਨਹੀਂ ਸਨ। ਉਸਨੇ ਕਿਹਾ ਕਿ “ਇਸਦਾ ਮਤਲਬ ਹੈ ਕਿ ਲਗਭਗ 1200 ਆਸਟ੍ਰੇਲੀਅਨ ਅਤੇ ਪਰਿਵਾਰ ਹਨ ਜੋ ਇਹ ਸੰਘਰਸ਼ ਸ਼ੁਰੂ ਹੋਣ ਤੋਂ ਬਾਅਦ ਚਲੇ ਗਏ ਹਨ,”।

ਕੱਲ੍ਹ ਉਸਨੇ ਪੁਸ਼ਟੀ ਕੀਤੀ ਸੀ ਕਿ ਸੰਘੀ ਸਰਕਾਰ ਦੁਬਈ ਤੋਂ ਆਸਟ੍ਰੇਲੀਆ ਜਾਣ ਲਈ ਵਪਾਰਕ ਕੈਰੀਅਰਾਂ ਸਮੇਤ ਭਾਈਵਾਲਾਂ ਨਾਲ ਵੀ ਕੰਮ ਕਰ ਰਹੀ ਹੈ। ਇਸ ਦੌਰਾਨ ਸਰਹੱਦੀ ਦੇਸ਼ ਲੇਬਨਾਨ ਲਈ ਸਲਾਹ ਨੂੰ ਅਪਗ੍ਰੇਡ ਕੀਤਾ ਗਿਆ ਹੈ। ਪਹਿਲੀਆਂ ਉਡਾਣਾਂ ਕੱਲ੍ਹ ਲੰਡਨ ਵਿੱਚ ਉਤਰੀਆਂ, ਪਰ ਵਿਦੇਸ਼ੀ ਮਾਮਲਿਆਂ ਦੇ ਵਿਭਾਗ ਦੇ ਸਮਾਰਟ ਟ੍ਰੈਵਲਰ ਖਾਤੇ ਨੇ ਕੁਝ ਘੰਟਿਆਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਇੱਕ ਅਪਡੇਟ ਪੋਸਟ ਕੀਤਾ ਕਿ ਦੋ ਅਗਲੀਆਂ ਉਡਾਣਾਂ ਨੂੰ ਮੁਲਤਵੀ ਕਰ ਦਿੱਤਾ ਗਿਆ ਸੀ।

ਸੈਨੇਟਰ ਪੈਨੀ ਵੋਂਗ ਨੇ ਸਥਿਤੀ ਦੀ ਹੋਰ ਵਿਆਖਿਆ ਕਰਦੇ ਹੋਏ ਕਿਹਾ,”ਖ਼ਤਰਨਾਕ ਸੁਰੱਖਿਆ ਸਥਿਤੀ ਕਾਰਨ ਗਾਜ਼ਾ ਤੋਂ ਰਵਾਨਗੀ ਬਹੁਤ ਚੁਣੌਤੀਪੂਰਨ ਹੈ।” ਵੋਂਗ ਮੁਤਾਬਕ “ਪਹਿਲਾਂ 850 ਰਜਿਸਟਰਡ ਆਸਟ੍ਰੇਲੀਅਨ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੇ ਹੁਣ ਇਜ਼ਰਾਈਲ ਜਾਂ ਕਬਜ਼ੇ ਵਾਲੇ ਫਲਸਤੀਨੀ ਖੇਤਰ ਛੱਡ ਦਿੱਤੇ ਹਨ। DFAT ਇਜ਼ਰਾਈਲ, ਗਾਜ਼ਾ ਅਤੇ ਪੱਛਮੀ ਬੈਂਕ ਵਿੱਚ 1500 ਤੋਂ ਵੱਧ ਰਜਿਸਟਰਡ ਆਸਟ੍ਰੇਲੀਅਨਾਂ ਦੀ ਸਹਾਇਤਾ ਕਰ ਰਿਹਾ ਹੈ। ਉਹ ਸਾਰੇ ਛੱਡਣ ਦੀ ਕੋਸ਼ਿਸ਼ ਨਹੀਂ ਕਰ ਰਹੇ ਹਨ।”

ਇਜ਼ਰਾਈਲ ਜਾਂ ਕਬਜ਼ੇ ਵਾਲੇ ਫਲਸਤੀਨੀ ਖੇਤਰਾਂ ਵਿੱਚ ਆਸਟ੍ਰੇਲੀਅਨਾਂ ਨੂੰ https://crisis.dfat.gov.au/crisisportal/s/ ਰਾਹੀਂ ਜਾਂ 24 ਘੰਟੇ ਚੱਲਣ ਵਾਲੇ ਕੌਂਸਲਰ ਐਮਰਜੈਂਸੀ ਸੈਂਟਰ ਨੂੰ ਵਿਦੇਸ਼ਾਂ ਤੋਂ +61 2 6261 3305  ‘ਤੇ ਜਾਂ ਆਸਟ੍ਰੇਲੀਆ ਤੋਂ 1300 55 135  ‘ਤੇ ਕਾਲ ਕਰਕੇ ਰਜਿਸਟਰ ਕਰਨਾ ਚਾਹੀਦਾ ਹੈ।