Latest News: ਵਿਦੇਸ਼ ਭੇਜਣ ਦੇ ਨਾਂ ‘ਤੇ Fraud ਦਾ ਮਾਮਲਾ ਆਇਆ ਸਹਾਮਣੇ

Jalandhar ਦੇ ਇਕ ਨੌਜਵਾਨ ਨੂੰ ਯੂ.ਕੇ ਅਤੇ ਫਿਰ ਅਮਰੀਕਾ ਭੇਜਣ ਦੇ ਨਾਂ ‘ਤੇ ਨੋਇਡਾ ਦੇ ਏਜੰਟ ਨੇ 23 ਲੱਖ ਰੁਪਏ ਦੀ ਠੱਗੀ ਮਾਰੀ। ਮੁਲਜ਼ਮਾਂ ਨੇ ਨੌਜਵਾਨ ਨੂੰ ਵਰਕ ਪਰਮਿਟ ’ਤੇ ਭੇਜਣ ਦਾ ਵਾਅਦਾ ਕੀਤਾ ਸੀ ਪਰ ਉਸ ਨੂੰ ਇਕ ਹਫ਼ਤਾ ਦੁਬਈ ’ਚ ਰੱਖਣ ਤੋਂ ਬਾਅਦ ਉਹ ਨੌਜਵਾਨ ਨੂੰ ਵਾਪਸ ਭਾਰਤ ਲੈ ਆਇਆ ਅਤੇ ਫਿਰ ਧਮਕੀਆਂ ਦੇਣ ਲੱਗਾ। ਥਾਣਾ ਨਵੀਂ ਬਾਰਾਦਰੀ ‘ਚ ਨੋਇਡਾ ਦੇ ਗੌਤਮ ਬੁੱਧ ਨਗਰ ਸਥਿਤ ਬੀ.ਐੱਸ.ਵੀ. ਪ੍ਰਾਈਵੇਟ ਲਿਮਿਟੇਡ ਮਾਲਕ ਏਜੰਟ ਮਨੋਜ ਕੁਮਾਰ ਵਾਸੀ ਟੈਗੋਰ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਗਿਆ ਹੈ।

ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਰਾਜਨਬੀਰ ਸਿੰਘ ਪੁੱਤਰ ਬਲਕਾਰ ਸਿੰਘ ਵਾਸੀ ਕੁਆਰਟਰ ਨੰਬਰ 7 ਨਵੀਂ ਬਾਰਾਦਰੀ ਨੇ ਦੱਸਿਆ ਕਿ ਉਹ 12ਵੀਂ ਤੋਂ ਬਾਅਦ ਵਿਦੇਸ਼ ਵਿੱਚ ਵੱਸਣਾ ਚਾਹੁੰਦਾ ਸੀ। ਉਸਦੀ ਜਾਣ-ਪਛਾਣ ਨੇ ਉਸਨੂੰ ਮਨੋਜ ਨਾਮਕ ਏਜੰਟ ਨਾਲ ਮਿਲਾਇਆ। ਉਸ ਨੇ ਮਨੋਜ ਨਾਲ ਵਰਕ ਪਰਮਿਟ ‘ਤੇ ਯੂਕੇ ਭੇਜਣ ਦੀ ਗੱਲ ਕੀਤੀ ਸੀ, ਜਿਸ ਨੇ ਦਾਅਵਾ ਕੀਤਾ ਸੀ ਕਿ ਉਹ ਉਸ ਨੂੰ 22 ਲੱਖ ਰੁਪਏ ‘ਚ ਯੂ.ਕੇ ਭੇਜਾਂਗਾ। ਜੂਨ 2023 ਨੂੰ ਉਸ ਨੇ ਮਨੋਜ ਨੂੰ 13 ਲੱਖ ਰੁਪਏ ਦਿੱਤੇ। ਅਗਲੇ ਹੀ ਮਹੀਨੇ ਮਨੋਜ ਉਸ ਨੂੰ ਦੁਬਈ ਲੈ ਗਿਆ ਜਿੱਥੋਂ ਉਹ ਉਸ ਨੂੰ ਯੂ.ਕੇ. ਜਾਣਾ ਸੀ। ਰਾਜਨਬੀਰ ਸਿੰਘ ਕਰੀਬ 4 ਲੱਖ ਰੁਪਏ ਦੇ ਡਾਲਰ ਵੀ ਆਪਣੇ ਨਾਲ ਲੈ ਗਿਆ ਸੀ। ਇੱਕ ਹਫ਼ਤਾ ਉੱਥੇ ਰਹਿਣ ਤੋਂ ਬਾਅਦ ਜਦੋਂ ਮਨੋਜ ਨੇ ਕਿਹਾ ਕਿ ਉਹ ਕਿਸੇ ਜ਼ਰੂਰੀ ਕੰਮ ਲਈ ਭਾਰਤ ਵਾਪਸ ਜਾ ਰਿਹਾ ਹੈ ਤਾਂ ਉਹ ਵੀ ਉਸ ਦੇ ਨਾਲ ਵਾਪਸ ਆ ਗਿਆ।

ਮਨੋਜ ਨੇ ਵਾਪਸ ਆ ਕੇ ਉਨ੍ਹਾਂ ਲਾਰੇ ਲਾਉਣੇ ਸ਼ੁਰੂ ਕਰ ਦਿੱਤੇ ਅਤੇ ਪੈਸੇ ਵੀ ਵਾਪਸ ਨਹੀਂ ਕੀਤੇ। ਇੰਨੇ ਪੈਸੇ ਫਸੇ ਹੋਣ ਕਾਰਨ ਉਹ ਵੀ ਮਨੋਜ ਦੀ ਗੱਲ ਮੰਨਣ ਲਈ ਮਜਬੂਰ ਹੋ ਗਿਆ। ਇਸ ਦੌਰਾਨ ਮਨੋਜ ਨੇ ਕਹਿਣਾ ਸ਼ੁਰੂ ਕਰ ਦਿੱਤਾ ਕਿ ਯੂ.ਕੇ. ਵੀਜ਼ਾ ਰੋਕ ਦਿੱਤਾ ਗਿਆ ਹੈ ਅਤੇ ਉਹ ਅਮਰੀਕਾ ਦਾ ਵਰਕ ਪਰਮਿਟ ਲਗਵਾ ਸਕਦਾ ਹੈ ਜਿਸ ਲਈ 35 ਲੱਖ ਰੁਪਏ ਖਰਚ ਹੋਣਗੇ।

ਜਦੋਂ ਰਾਜਨਬੀਰ ਨੇ ਆਪਣੇ ਪਰਿਵਾਰਕ ਮੈਂਬਰਾਂ ਨਾਲ ਗੱਲ ਕੀਤੀ ਤਾਂ ਉਹ ਮੰਨ ਗਏ। ਪੀੜਤ ਪਰਿਵਾਰ ਨੇ ਮਨੋਜ ਨੂੰ 17.89 ਲੱਖ ਰੁਪਏ ਦਿੱਤੇ ਪਰ ਪੈਸੇ ਦੇਣ ਦੇ ਬਾਵਜੂਦ ਉਸ ਨੇ ਫਾਈਲ ਵੀ ਨਹੀਂ ਲਗਾਈ। ਜਦੋਂ ਉਨ੍ਹਾਂ ਨੂੰ ਕੁੱਲ 23 ਲੱਖ ਰੁਪਏ ਫਸੇ ਹੋਣ ਦਾ ਪਤਾ ਲੱਗਾ ਤਾਂ ਉਨ੍ਹਾਂ ਮਨੋਜ ਨਾਲ ਗੱਲ ਕੀਤੀ ਪਰ ਉਹ ਉਨ੍ਹਾਂ ਨੂੰ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇਣ ਲੱਗਾ। ਇਸ ਸਬੰਧੀ ਪੀੜਤ ਪਰਿਵਾਰ ਨੇ ਉੱਚ ਪੁਲਿਸ ਅਧਿਕਾਰੀਆਂ ਨੂੰ ਸ਼ਿਕਾਇਤ ਕੀਤੀ, ਜਿਸ ਤੋਂ ਬਾਅਦ ਦੋਸ਼ੀ ਏਜੰਟ ਮਨੋਜ ਖ਼ਿਲਾਫ਼ ਥਾਣਾ ਨਵੀਂ ਬਾਰਾਂਦਰੀ ‘ਚ ਮਾਮਲਾ ਦਰਜ ਕਰ ਲਿਆ ਗਿਆ। ਫਿਲਹਾਲ ਉਸ ਦੀ ਗ੍ਰਿਫਤਾਰੀ ਨਹੀਂ ਹੋਈ ਹੈ।